ਮਾਰ ਗੋਲ਼ੀਆਂ ਸੋਧ'ਤੀ, ਇੰਡੀਆ ਦੀ ਰਾਣੀ

ਦੁਸ਼ਟ ਇੰਦਰਾ ਗਾਂਧੀ ਦਾ ਅੰਤ ਇਸੇ ਤਰ੍ਹਾਂ ਹੀ ਹੋਣਾ ਸੀ ਜਿਵੇਂ ਸਿੱਖ ਕੌਮ ਦੇ ਯੋਧਿਆਂ ਭਾਈ ਸਤਵੰਤ ਸਿੰਘ ਤੇ ਭਾਈ ਬੇਅੰਤ ਸਿੰਘ ਨੇ ਕੀਤਾ। ਜੇ ਸ੍ਰੀ ਦਰਬਾਰ ਸਾਹਿਬ ਦੀ ਬੇਅਦਬੀ ਕਰਨ ਵਾਲਾ ਮੁਗ਼ਲ ਹਾਕਮ ਮੱਸਾ ਰੰਘੜ ਨਹੀਂ ਬਚ ਸਕਿਆ ਤਾਂ ਹਿੰਦੂ ਹਾਕਮ ਇੰਦਰਾ ਗਾਂਧੀ ਕਿਵੇਂ ਬਚ ਜਾਂਦੀ! ਓਦੋਂ ਭਾਈ ਸੁੱਖਾ ਸਿੰਘ ਅਤੇ ਭਾਈ ਮਹਿਤਾਬ ਸਿੰਘ ਗਰਜੇ ਸਨ ਤੇ 31 ਅਕਤੂਬਰ 1984 ਨੂੰ ਉਹਨਾਂ ਦੇ ਵਾਰਸ ਭਾਈ ਸਤਵੰਤ ਸਿੰਘ ਅਤੇ ਬੇਅੰਤ ਸਿੰਘ ਐਸੇ ਗਰਜੇ ਕਿ ਉਹਨਾਂ ਦੇ ਖ਼ਾਲਸਾਈ ਐਕਸ਼ਨ ਨੇ ਪੂਰੇ ਸੰਸਾਰ ਵਿੱਚ ਧੂੰਮ ਪਾ ਦਿੱਤੀ ਅਤੇ ਬ੍ਰਾਹਮਣੀ ਸਰਕਾਰ ਨੂੰ ਦੱਸ ਦਿੱਤਾ ਕਿ ਖ਼ਾਲਸਾ ਜਿਉਂਦਾ ਤੇ ਜਾਗਦਾ ਹੈ ਤੇ ਆਪਣੇ ਗੁਰਧਾਮਾਂ ਦੀ ਬੇਅਦਬੀ ਕਦੇ ਨਹੀਂ ਸਹਾਰੇਗਾ। ਸੰਤ ਗਿਆਨੀ ਜਰਨੈਲ ਸਿੰਘ ਜੀ ਖ਼ਾਲਸਾ ਭਿੰਡਰਾਂਵਾਲਿਆਂ ਦੇ ਖ਼ਾਲਸਾਈ ਜਾਹੋ-ਜਲਾਲ ਤੋਂ ਇੰਦਰਾ ਗਾਂਧੀ ਪਹਿਲਾਂ ਹੀ ਬਹੁਤ ਭੈਭੀਤ ਸੀ ਜਿਸ ਕਰਕੇ ਇੰਦਰਾ ਨੇ ਸੰਤਾਂ ਨੂੰ ਸਰੀਰਕ ਰੂਪ ਵਿੱਚ ਮੁਕਾਉਣਾ ਚਾਹਿਆ ਪਰ ਸੰਤ ਜੀ ਤਾਂ ਸ੍ਰੀ ਦਰਬਾਰ ਸਾਹਿਬ ਅਤੇ ਸ੍ਰੀ ਅਕਾਲ ਤਖਤ ਸਾਹਿਬ ਦੀ ਪਵਿੱਤਰਤਾ ਦੀ ਰਾਖੀ ਕਰਦਿਆਂ, ਹਿੰਦੂ ਸਾਮਰਾਜ ਨੂੰ ਸਿਧਾਂਤਕ ਅਤੇ ਹਥਿਆਰਬੰਦ ਟੱਕਰ ਦਿੰਦਿਆਂ, ਚਮਕੌਰ ਦੀ ਗੜ੍ਹੀ ਵਾਲਾ ਸ਼ਾਨਾਮੱਤਾ ਇਤਿਹਾਸ ਦੁਹਰਾਉਂਦੇ ਹੋਏ ਜਦੋਂ ਸ਼ਹਾਦਤ ਦਾ ਜਾਮ ਪੀ ਗਏ ਤਾਂ ਉਹ ਪਹਿਲਾਂ ਨਾਲੋਂ ਵੀ ਵੱਧ ਪੰਜਾਬ, ਭਾਰਤ ਅਤੇ ਪੂਰੇ ਸੰਸਾਰ ਵਿੱਚ ਛਾ ਗਏ। ਇੰਦਰਾ ਗਾਂਧੀ ਨੇ ਸ੍ਰੀ ਦਰਬਾਰ ਸਾਹਿਬ ਉੱਤੇ ਹਮਲਾ ਕਰਕੇ ਜ਼ੁਲਮ ਦੀਆਂ ਪੂਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਸਨ, ਇਹੋ ਕੁਝ ਅਬਦਾਲੀ ਅਤੇ ਮੱਸਾ ਰੰਘੜ ਨੇ ਕੀਤਾ ਸੀ। ਬ੍ਰਾਹਮਣੀ ਸਰਕਾਰ ਨੇ ਸ੍ਰੀ ਦਰਬਾਰ ਸਾਹਿਬ ਉੱਤੇ ਫ਼ੌਜੀ ਹਮਲਾ ਕਰਕੇ ਸਿੱਖਾਂ ਨੂੰ ਇਹ ਦੱਸ ਦਿੱਤਾ ਕਿ ਉਹ ਜ਼ਾਲਮ-ਮੁਗਲਾਂ ਨਾਲੋਂ ਘੱਟ ਨਹੀਂ ਹਨ, ਉਹਨਾਂ ਮੁਗਲਾਂ ਦੀ ਰੂਹ ਹੁਣ ਇਹਨਾਂ ਵਿੱਚ ਪ੍ਰਵੇਸ਼ ਕਰ ਚੁੱਕੀ ਸੀ। ਐਨਾ ਕਹਿਰ ਤਾਂ ਸੋਮਨਾਥ ਮੰਦਰ ਨੂੰ ਢਾਹੁਣ ਵਾਲੇ ਧਾੜਵੀਆਂ ਨੇ ਵੀ ਹਿੰਦੂ ਲੋਕਾਂ ਉੱਤੇ ਨਹੀਂ ਸੀ ਢਾਹਿਆ, ਜਿੰਨਾ ਕਹਿਰ ਭਾਰਤ ਦੀ ਹਿੰਦੂ ਫ਼ੌਜ ਨੇ ਜੂਨ 1984 ਵਿੱਚ ਸਿੱਖਾਂ ਉੱਤੇ ਢਾਹਿਆ। ਸ੍ਰੀ ਦਰਬਾਰ ਸਾਹਿਬ ਨੂੰ ਗੋਲੀਆਂ ਨਾਲ ਛਲਣੀ ਕੀਤਾ ਗਿਆ, ਸ੍ਰੀ ਅਕਾਲ ਤਖ਼ਤ ਸਾਹਿਬ ਨੂੰ ਟੈਂਕਾਂ-ਤੋਪਾਂ ਦੇ ਗੋਲਿਆਂ ਨਾਲ ਢਹਿ-ਢੇਰੀ ਕਰ ਦਿੱਤਾ ਗਿਆ, ਸਿੱਖ ਰੈਫਰੈਂਸ ਲਾਈਬ੍ਰੇਰੀ ਨੂੰ ਲੁੱਟਿਆ, ਤੋਸ਼ਾਖਾਨਾ ਸਾੜਿਆ, ਦੁੱਧ ਪੀਂਦੇ ਬੱਚਿਆਂ ਨੂੰ ਵੀ ਨਾ ਬਖਸ਼ਿਆ, ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਪਾਵਨ ਸਰੂਪਾਂ ਵਿੱਚ ਗੋਲੀਆਂ ਮਾਰੀਆਂ, ਹਜ਼ਾਰਾਂ ਪਾਵਨ ਸਰੂਪ ਅਤੇ ਹੋਰ ਹੱਥ-ਲਿਖਤਾਂ ਤੇ ਅਨਮੋਲ ਸਰਮਾਇਆ ਭਾਰਤੀ ਫ਼ੌਜ ਚੁੱਕ ਕੇ ਲੈ ਗਈ, ਪ੍ਰਕਰਮਾ ਨੂੰ ਸਿੱਖਾਂ ਦੀਆਂ ਲਾਸ਼ਾਂ ਨਾਲ ਭਰਿਆ, ਅੰਮ੍ਰਿਤ ਸਰੋਵਰ ਨੂੰ ਸਿੱਖਾਂ ਦੇ ਖ਼ੂਨ ਨਾਲ ਲਾਲ ਕਰ ਦਿੱਤਾ, ਸੰਗਤਾਂ ਦੇ ਹੱਥ ਪਿੱਛੇ ਬੰਨ੍ਹ ਕੇ ਧੁੱਪ ਵਿੱਚ ਲਿਟਾਇਆ ਅਤੇ ਨੇੜਿਓਂ ਸਿਰ ਵਿੱਚ ਗੋਲ਼ੀਆਂ ਮਾਰ ਦਿੱਤੀਆਂ, ਸ਼ਰਾਬਾਂ ਤੇ ਬੀੜੀਆਂ-ਸਿਗਰਟਾਂ ਪੀਤੀਆਂ, ਕੀਰਤਨ ਕਰਦੇ ਸਿੰਘ ਵੀ ਸ਼ਹੀਦ ਕਰ ਦਿੱਤੇ, ਪੂਰਾ ਪੰਜਾਬ ਜ਼ੁਲਮ ਦੀ ਚੱਕੀ ਵਿੱਚ ਪੀਸ ਦਿੱਤਾ ਅਤੇ ਉਪਰੋਂ ਹਿੰਦੂਆਂ ਨੇ ਸਿੱਖਾਂ ਦੀ ਬਰਬਾਦੀ ਉੱਤੇ ਲੱਡੂ ਵੰਡੇ ਤੇ ਖ਼ੁਸ਼ੀਆਂ ਮਨਾਈਆਂ। ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੀ ਤਬਾਹੀ ਨੇ ਸਿੱਖਾਂ ਵਿੱਚ ਰੋਹ ਅਤੇ ਰੋਸ ਭਰ ਦਿੱਤਾ, ਇਸ ਘੱਲੂਘਾਰੇ ਵਿੱਚੋਂ ਸੂਰਮਗਤੀ ਪੈਦਾ ਹੋ ਗਈ ਤੇ ਇੰਦਰਾ ਗਾਂਧੀ ਦਾ ਅੰਤ ਹੁਣ ਬਹੁਤਾ ਦੂਰ ਨਹੀਂ ਸੀ। ਹਰ ਸਿੱਖ ਇੰਦਰਾ ਦੀ ਮੌਤ ਦਾ ਇੰਤਜ਼ਾਰ ਕਰ ਰਿਹਾ ਸੀ। ਜਿਸ ਇੰਦਰਾ ਗਾਂਧੀ ਨੂੰ ਹਿੰਦੁਸਤਾਨ ਦੀ ਰਾਣੀ ਕਿਹਾ ਜਾਂਦਾ ਸੀ ਅਤੇ ਅਕਾਲੀ ਆਗੂ ਵੀ ਉਸਨੂੰ ਬੀਬੀ ਇੰਦਰਾ ਗਾਂਧੀ ਕਹਿ ਕੇ ਬੁਲਾਉਂਦੇ ਸਨ, ਹੁਣ ਉਸਨੂੰ ਹਰ ਸਿੱਖ ਦੁਸ਼ਟ ਬਾਹਮਣੀ ਆਖਣ ਲੱਗਾ। ਇਹ ਗੱਲ ਵੀ ਬੜੀ ਪ੍ਰਚੱਲਤ ਹੈ ਕਿ ਸੰਤ ਜਰਨੈਲ ਸਿੰਘ ਖ਼ਾਲਸਾ ਭਿੰਡਰਾਂ ਵਾਲਿਆਂ ਨੇ ਕਿਹਾ ਸੀ ਕਿ 'ਇੰਦਰਾ ਤੇਰੀਆਂ ਗੋਲ਼ੀਆਂ ਹੀ ਤੇਰੇ ਵੱਜਣਗੀਆਂ', 'ਦਰਬਾਰ ਸਾਹਿਬ ਉੱਤੇ ਹਮਲਾ ਕਰਨ ਵਾਲੇ ਹਾਕਮ ਜਿਉਂਦਾ ਨਹੀਂ ਬਚਣਗੇ'। ਕਹਿੰਦੇ ਹਨ ਕਿ ਜਦੋਂ ਇਸ ਹਮਲੇ ਤੋਂ ਬਾਅਦ ਇੰਦਰਾ ਗਾਂਧੀ ਦਰਬਾਰ ਸਾਹਿਬ ਵਿਖੇ ਆਈ ਤਾਂ ਸ੍ਰੀ ਅਕਾਲ ਤਖ਼ਤ ਸਾਹਿਬ ਨੂੰ ਖੰਡਰਾਤ ਹੋਇਆ ਵੇਖ ਕੇ ਉਸ ਨੂੰ ਵੀ ਪਤਾ ਲੱਗ ਗਿਆ ਸੀ ਕਿ 'ਸਿੱਖ ਹੁਣ ਮੈਨੂੰ ਜਿਉਂਦਾ ਨਹੀਂ ਛੱਡਣਗੇ, ਉਹ ਅਵੱਸ਼ ਮੈਨੂੰ ਮਾਰਨਗੇ।' ਇੰਦਰਾ ਗਾਂਧੀ ਬਹੁਤ ਭੈਭੀਤ ਹੋ ਚੁੱਕੀ ਸੀ, ਰਾਤ ਸੁਪਨਿਆਂ ਵਿੱਚ ਵੀ ਉਸਨੂੰ ਸਿੰਘ ਦਿਸਣ ਲੱਗ ਪਏ, ਉਸਨੇ ਆਪਣੇ ਨੇੜਲੇ ਖ਼ਾਸ ਵਿਅਕਤੀਆਂ ਨੂੰ ਵੀ ਕਹਿਣਾ ਸ਼ੁਰੂ ਕਰ ਦਿੱਤਾ ਸੀ ਕਿ ਹੁਣ ਉਸ ਦੀ ਮੌਤ ਤੈਅ ਹੈ, ਉਹ ਕਈ ਵਾਰ ਉਦਾਸ ਵੀ ਹੋ ਜਾਂਦੀ ਸੀ। ਪਰ ਉਸਨੂੰ ਇਹ ਨਹੀਂ ਸੀ ਪਤਾ ਕਿ ਉਸ ਦੇ ਕਾਲ ਉਸ ਦੇ ਨੇੜੇ ਹੀ ਘੁੰਮਦੇ ਹਨ, ਇਰਦ-ਗਿਰਦ ਹੀ ਹੁੰਦੇ ਹਨ। ਇਹ ਸੇਵਾ ਭਾਈ ਸਤਵੰਤ ਸਿੰਘ ਤੇ ਭਾਈ ਬੇਅੰਤ ਸਿੰਘ ਦੇ ਹਿੱਸੇ ਆਈ ਤੇ ਇੰਦਰਾ ਗਾਂਧੀ ਦੇ ਇਹਨਾਂ ਦੋਵੇਂ ਬਾਡੀਗਾਰਡ ਸਿੰਘਾਂ ਨੇ 31 ਅਕਤੂਬਰ 1984 ਨੂੰ ਉਸ ਨੂੰ ਖ਼ਾਲਸਾਈ ਪ੍ਰੰਪਰਾਵਾਂ ਅਨੁਸਾਰ ਸੋਧਦਿਆਂ ਮੌਤ ਦੇ ਘਾਟ ਉਤਾਰ ਦਿੱਤਾ। ਇੰਦਰਾ ਦੀ ਮੌਤ ਦੀ ਖ਼ਬਰ ਸੁਣਦਿਆਂ ਸਾਰ ਸੰਸਾਰ ਭਰ ਦੇ ਸਿੱਖਾਂ ਨੇ ਬੋਲੇ ਸੋ ਨਿਹਾਲ ਸਤਿ ਸ੍ਰੀ ਅਕਾਲ ਦੇ ਜੈਕਾਰੇ ਅਤੇ ਖਾਲਿਸਤਾਨ ਜ਼ਿੰਦਾਬਾਦ ਦੇ ਨਾਹਰੇ ਗਜਾਏ ਅਤੇ ਸਭ ਦੇ ਮੂੰਹੋਂ ਨਿਕਲਿਆ ਧੰਨ ਧੰਨ ਸ੍ਰੀ ਗੁਰੂ ਰਾਮਦਾਸ ਜੀ। ਸੂਰਮਿਆਂ ਦੇ ਇਸ ਐਕਸ਼ਨ ਨਾਲ ਸਿੱਖ ਕੌਮ ਦਾ ਸਿਰ ਮਾਣ ਨਾਲ ਉੱਚਾ ਹੋ ਗਿਆ। ਗੁਰੂ ਕੇ ਲਾਲਾਂ ਨੇ ਇੰਦਰਾ ਗਾਂਧੀ ਨੂੰ ਮਿੱਟੀ ਵਿੱਚ ਮਿਲਾ ਦਿੱਤਾ। ਸ੍ਰੀ ਦਰਬਾਰ ਸਾਹਿਬ ਉੱਤੇ ਹੋਏ ਹਮਲੇ ਤੋਂ ਬਾਅਦ ਜਦੋਂ ਮਰਯਾਦਾ ਦੁਬਾਰਾ ਸ਼ੁਰੂ ਹੋਈ ਸੀ, ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਜਦੋਂ ਪ੍ਰਕਾਸ਼ ਕੀਤਾ ਗਿਆ ਸੀ ਤਾਂ ਉਸ ਦਿਨ ਹੁਕਮਨਾਮਾ ਸਾਹਿਬ ਆਇਆ ਸੀ "ਜੋ ਜੋ ਦੀਸੈ ਵਡਾ ਵਡੇਰਾ ਸੋ ਸੋ ਖਾਕੂ ਰਲਸੀ।।" ਤੇ ਸੱਚਮੁੱਚ ਹੀ ਗੁਰੂ ਕੇ ਲਾਲਾਂ ਨੇ ਇੰਦਰਾ ਗਾਂਧੀ ਨੂੰ ਮਿੱਟੀ ਵਿੱਚ ਮਿਲਾ ਦਿੱਤਾ। ਜਿਸ ਦਿਨ ਇੰਦਰਾ ਨੂੰ ਸੋਧਣਾ ਸੀ, ਉਸ ਦਿਨ ਇਹ ਹੁਕਮਨਾਮਾ ਸਾਹਿਬ ਆਇਆ ਸੀ "ਭਗਤਾ ਦੀ ਸਦਾ ਤੂ ਰਖਦਾ ਹਰਿ ਜੀਉ ਧੁਰਿ ਤੂ ਰਖਦਾ ਆਇਆ।। ਪ੍ਰਹਲਾਦ ਜਨ ਤੁਧੁ ਰਾਖਿ ਲਏ ਹਰਿ ਜੀਉ ਹਰਣਾਖਸੁ ਮਾਰਿ ਪਚਾਇਆ।।" ਗੁਰੂ ਕੇ ਹੁਕਮ ਅਨੁਸਾਰ ਇੰਦਰਾ ਗਾਂਧੀ ਦਾ ਅੰਤ ਹੋਇਆ ਅਤੇ ਭਾਈ ਸਤਵੰਤ ਸਿੰਘ, ਭਾਈ ਬੇਅੰਤ ਸਿੰਘ ਅਤੇ ਭਾਈ ਕੇਹਰ ਸਿੰਘ ਦੀ ਜੈ-ਜੈਕਾਰ ਹੋਈ, ਇਹਨਾਂ ਸੂਰਮਿਆਂ ਨੂੰ ਸਾਡਾ ਖ਼ਾਲਸਾਈ ਪ੍ਰਣਾਮ। 
 

- ਰਣਜੀਤ ਸਿੰਘ ਦਮਦਮੀ ਟਕਸਾਲ
 

(ਪ੍ਰਧਾਨ ਸਿੱਖ ਯੂਥ ਫੈਡਰੇਸ਼ਨ ਭਿੰਡਰਾਂਵਾਲਾ)
 

ਮੋ : 8872293883.